Monday, October 26, 2020

बच्चा पेटमा राख्न र उसलाई जन्म दिने सपना ‘म गर्भवती हुन चाहन्छु तर आफूसँग बच्चा राख्न चाहन्नँ, यसमा के गलत छ ?’

Author

Date

Category

बीबीसी

पछिल्लो १० वर्षदेखि म बच्चा पेटमा राख्न र उसलाई जन्म दिने सपना देखिरहेकी छु । तर बच्चालाई सधैंका लागि आफूसँग राख्न भने चाहन्नँ न मेरो आमा बन्ने सपना नै छ ।

यसै कारण मैले सरोगेट बन्ने निर्णय गरेँ ता कि सुत्केरी भएपछि मैले बच्चालाई आफूसँगै राख्नु पर्दैन । म गर्भवती हुँदाको अनुभव मात्र गर्न चाहन्छु ।

म एउटा बच्चा मेरो शरिरभित्र कसरी विकसित हुन्छ, त्यो हेर्न चाहन्छु र बच्चालाई आफ्नो पेटभित्र कसरी पाल्नेछु, त्यो पनि महसुस गर्न चाहन्छु ।

म आफ्नो शरिरमा आउने परिवर्तन हेर्न चाहन्छु । म हेर्न चाहन्छु कि मेरो छाला कसरी तन्कनेछ ? म आफ्नो शरिरभित्र बच्चाको हलचल महसुस गर्न चाहन्छु ।

म २१ वर्षको हुँदा नै सरोगेट भन्ने बिचार आएको थियो । मैले सरोगेसीमा एकपटक फिल्म हेरेको थिएँ त्यतिबेला नै मैले यसबारे सोचेकी थिएँ । मैले इन्टरनेटमा पनि यसबारे पढेँ र मलाई पनि यस्तै गर्नु छ भन्ने महसुस भयो ।

म एउटा लामो सम्बन्धमा रहेकी छु । मजस्तै मेरा पूर्व प्रेमीलाई पनि बच्चाको चाहना थिएन । तर सरोगेसीमा मलाई जस्तो उसलाई रुची थिएनँ ।

आफ्नो स्वास्थ्यलाई खतरामा राखेर म किन गर्भवती हुन चाहन्थेँ भन्ने कुरा उनले कहिले बुझेनन्, त्यो पनि ती बच्चाको लागि जुन मेरो हुनेछैन ।

सकारण म आफ्नो बच्चा चाहन्नँः

तपाईंलाई कौतुहल भयो होला, आखिर म आफ्नो बच्चा किन चाहन्नँ ? बच्चालाई हुर्काउने बढाउने एउटा ठूलो जिम्मेवारी हो र मलाई लाग्दैन कि मानसिक रुपमा र आफ्नो करियरलाई हेर्दा म यो ठूलो जिम्मेवारी वहन गर्न सक्छु ।

म यसका लागि कहिले तयार हुन्छु वा हुन्नँ त्यो मलाई थाहा छैन । म एक इभेन्ट कम्पनीमा कार्यरत छु । यसका साथै म एक क्रिएटिभ प्रोजेक्टमा पनि आबद्ध छु । यसका लागि मैले घण्टौंसम्म काम गर्नुपर्छ, विभिन्न देशको यात्रा गरिरहनुपर्छ । यस्तो प्रकारको जागिर भएकी एक महिलाले सानो बच्चाको हेरबिचार गर्नु निकै मुश्किल हुनेछ ।

गर्भवती हुनु पनि कम चुनौतीपूर्ण छैन तर मलाई थाहा छ कि सरोगेसीका लागि मैले एक निश्चित समय दिनुपर्छ ।

मैले मातृत्व अवकाश पाउनेछु र त्यसपछि म काममा फर्कन सक्छु । यस्तै, यदि मैले आफ्नै बच्चालाई जन्म दिएँ भने त्यो मेरो जीवनभरीको जिम्मेवारी हुनेछ ।

गर्भधारण गरेपछिको नकारात्मक पक्षसँग म राम्रोसँग अवगत छु । कम्मर दुख्ने, थकान, अनिन्द्रा, बिरामी र अझै धेरै ।

मलाई यो पनि थाहा छ कि बच्चालाई जन्म दिनु चानचुने कुरा होइन । तर म त्यो पीडा र असहजताको अनुभव गर्न चाहन्छु । मलाई थाहा छ कि गर्भावस्थाको क्रममा केही मानिसहरु लगातार बान्ता गर्छन् । म यी सबै कुराको अनुभव गर्न चाहन्छु ।

नौ महिना लगातार बच्चालाई पेटमा राखेपछि मलाई त्यो बच्चासँग लगाव हुने हो कि भन्ने पनि डर छ । बच्चासँग आमाको लगाव जन्म अघि नै हुने गर्छ किनभने पेटभित्र बच्चाले आमाको पहिलो आवाज सुनेको हुन्छ ।

एउटा यो पनि कारण हो, म आफ्नो बच्चा जन्माउनुको साटो सरोगेसी चाहन्छु । किनभने जब मेरो पेटमा अरु कसैको बच्चा भए सायद यो मुश्किल स्थिती मलाई आइपर्ने छैन ।

अब म ३० वर्षको भइसकें । म अहिले त्यो उमेरमा पुगेकी छु जब धेरैजसो मानिसहरु बच्चाबारे सोच्ने गर्छन् ।

मेरी एक अति मिल्ने साथी हालै आमा बनेकी छिन् । गर्भावस्थाको ९ महिनामा उनले जतिपनि उतारचढाव देखिन् म पनि तीे सबै अनुभव गर्न चाहन्छु ।

मेरा अर्का एक साथी छन् जो समलिङ्गी हुन् । उनी कोहीसँग सम्बन्धमा छन् । उनीहरुले अहिले बच्चाबारे सोचिरहेका छैनन् तर यदि उनीहरु सरोगेट चाहन्छन् भने म यसका लागि तयार भएको जानकारी दिइसकेकी छु ।

यस्तो सोच भएकी एक्ली महिला होइनः

यस्तो सोच राख्ने म एक्ली महिला भने होइन । इंगल्याण्ड र वेल्समा सरोगेसीको प्रचलन बढिरहेको छ ।

ब्रिटेनमा हरेक वर्ष तीन सय जोडीलाई यसको अनुमती दिइन्छ । १० वर्ष अघि यस्ता ५० घटना हुने गर्थे ।

यस्तो गरेर मैले कसैलाई गुण लगाउन खोजेको होइन । यो दुईतर्फी कुरा हो । म यो सबै कुरा पैसाको लागि पनि गर्ने छैन । ब्रिटनेमा सरोगेसीका लागि पैसा लिनु यसै पनि गैर–कानूनी हो ।

यद्यपी, यो पक्कै हो कि सरोगेट बन्दा मैले केही आर्थिक सहयोग पाउँछु । किनभने गर्भवती हुँदा म काम गर्न सक्दिनँ र मेरो कुनै आम्दानी हुनेछैन । यसका साथै मलाई आवतजावतको खर्च र कपडाका लागि पैसा दिइनेछ । तर म यो सबै पैसाको लागि पक्कै गरिरहेको छैन ।

मेरा लागि ‘वास्तविक भुक्तानी’ त्यतिबेला हुनेछ जब म बच्चालाई आफ्नो पेटमा राख्नेछु र जन्म दिनेछु । यसका लागि मैले सरोगेसीसँग जोडिएका कुनै वेबसाइट वा सोसल मिडियाको मद्दत लिएकी छैन किनभने मैले राम्रोसँग चिनेको जोडीका लागि मात्र म यस्तो गर्न चाहन्छु ।

तर म सरोगेसीको साइट भने हेरिरहन्छु ता कि मैले यसको पूरा प्रक्रिया जान्न सकूँ ।

आमा बन्ने मेरो इच्छालाई म रोक्न सक्दिनँ । म यो जसरी पनि गर्छु । गर्भवती हुने र बच्चा जन्माउने प्रक्रिया म आफैं महसुस गर्न चाहन्छु ।

केही महिना अघिदेखि म डिप्रेशनको औषधी खाइरहेको छु । मैले सुनेको छु कि यस्तो प्रकारको औषधीले गर्भस्थ शिशुलाई नकारात्मक असर पुर्याउँछ ।

मैले यो औषधी खान छोडेपछि मात्र सरोगेट बन्ने निर्णय लिनेछु । म बच्चाको आमा–बुवालाई पहिले नै आफ्नो मानसिक स्थितीबारे जानकारी दिनेछु ।

मैले आफ्नो डाक्टरलाई पनि अहिलेसम्म आफ्नो यो योजनाबारे बताएको छैन तर गर्भवती भएपछि म उनीसँग यसबारे पक्कै जानकारी दिनेछु ता कि सबैकुरा ठिक होस् ।

मेरा धेरैजसो साथीहरुले मेरो यो सोचलाई समर्थन गर्दैनन् । केही साथीहरुले मलाई भन्ने गर्छन्, ‘जब बच्चा नै तिम्रो हुँदैन भने, बेकार आफ्नो शरिरलाई किन खराब गर्न चाहन्छौ ?’ यहाँसम्म कि मेरी आमा पनि मेरो यो कुरा बुझ्नुहुन्न । उहाँलाई लाग्छ कि यस्तो गर्नु मेरो गल्ती हुनेछ ।

तर जसले जे भनेपछि यो मेरो निर्णय हो । मलाई थाहा छ कि गर्भवती भएपछि म के हाँसिल गर्न चाहन्छु । म ठूलो पेट चाहन्छु । म बच्चालाई आफ्नो पेटमा पाल्न, हुर्काउन चाहन्छु । म गर्भवती हुँदाको शारिरिक, मानसिक उतारचढावलाई अनुभव गर्न चाहन्छु । सुत्केरी भएपछि म बच्चालाई आफूसँग राख्न चाहन्नँ, यसमा के गलत छ ?

श्रोत 

LEAVE A REPLY

Please enter your comment!
Please enter your name here

Follow US

30,208FansLike
265FollowersFollow
257FollowersFollow
32FollowersFollow

ताजा समाचार

एकाबिहानै हनुमान जी काे दर्शन स्वरुप एक सेयर गर्दै साउन २० गते मंगलवारको राशिफल हेर्नुहोस् ।

एकाबिहानै हनुमान जी काे दर्शन स्वरुप एक सेयर गर्दै साउन २० गते मंगलवारको राशिफल हेर्नुहोस् । आजको पन्चाङ्ग वि.सं.२०७७ साल साउन २० गते , मंगलबार ,...

कोरोना त्राशका बिच यात्रुहरुलाई यसरी कोचेर सवारी गुडाइदै तर भाडा भने ५० प्रतिशतले बढी !

कोरोना त्राशका बिच यात्रुहरुलाई यसरी कोचेर सवारी गुडाइदै तर भाडा भने ५० प्रतिशतले बढी ! , नेपालमा कोरोना कहर बढीरहेका बेला यातायात ब्यबसायीले चर्को...

नेपालमा कोरोनाको उपचारका लागि नयाँ प्रविधि ल्याइयाे, आइसियुमा रहेका बिरामी ७० प्रतिशत निको

नेपालमा कोरोनाको उपचारका लागि नयाँ प्रविधि ल्याइयाे, आइसियुमा रहेका बिरामी ७० प्रतिशत निको , नेपालमा पनि अन्य मुलुकमा अपनाइसकिएको प्लाज्मा थेरापीवाट कोरोना संक्रमितको उपचार...

दक्षिणकाली मात लाई ॐ लेखि एक शेयर गर्दै भेटी चढाएर आज साउन १८ गते आईतवारको राशिफल पढ्नुहोस् । तपाईंको मनोकामना पुरा हुनेछ ।

दक्षिणकाली मात लाई ॐ लेखि एक शेयर गर्दै भेटी चढाएर आज साउन १८ गते आईतवारको राशिफल पढ्नुहोस् । तपाईंको मनोकामना पुरा हुनेछ । वि.सं.२०७७ साल...

फेरी बढायो निगमले पेट्रोलियम पदार्थको मूल्य

फेरी बढायो निगमले पेट्रोलियम पदार्थको मूल्य, नेपाल अयल निगमले पेट्रोलियम पदार्थको मूल्य समायोजन गरेको छ । शनिबार राति १२ बजेबाट लागू हुनेगरी डिजेल,पेट्रोल र...