Tuesday, October 20, 2020

‘गरिब’ लालबाबुले कहाँबाट कमाए ७ महिनामा ५५ लाख ?

Author

Date

Category

नेता लालबाबु पण्डित आफूलाई ‘गरिब’ भन्न रुचाउँछन् । जब २०७४ साल कात्तिकमा उनी सङ्घीय सांसदका लागि मोरङ–६ बाट उम्मेदवार थिए, त्यतिबेला उनले पत्रकार सम्मेलनमै गुनासो गरे, म गरिब छु, चुनावी खर्च छैन । प्रेस चौतारी र प्रेस सेन्टर नेपालले २०७४ साल कात्तिक २१ गते विराटनगरमा आयोजित पत्रकार भेटघाट कार्यक्रममा उनले यस्तो भनेका थिए । ‘२०४८ सालमा म ३० हजार रुपियाँले चुनाव लडेँ । २०५१ मा चुनावी खर्च ७० हजार पुग्यो । २०५६ सालमा त्यो खर्च साढे ३ लाख पुग्यो । अहिलेको सहयोगको कुरा गर्नुहुन्छ भने कतारमा मजदुरहरूले १ सय नेपाली रुपैयाँ उठाउन थालेका छन् । अन्य ठाउँमा पनि विभिन्न व्यक्तिहरूले पचास, सय उठाउन थालेका छन् ।’उनले आफूसँग चुनाव लड्न पैसा नभएको भन्दै पत्रकार सम्मेलनमै पत्रकारसँग पनि सहयोग गर्न आग्रह गरेका थिए । चुनावको सरगार्मी रहेको बेला रातोपाटीको टीम मंसिरमा विराटनगर महानगरपालिकाको वडा नम्बर १२ स्थित बखरी बगैँचामा रहेको उनको निवासमा पुगेको थियो ।उनीसँग गरिएको कुराकानीमा पण्डितलाई अन्तिममा सोधेका थियौँ, चुनावमा तपाईंका चुनौती के हुन् ? उनले त्यतिबेला आर्थिक रूपमा कमजोरीलाई आफ्नो चुनौती ठानेका थिए । ‘त्यसो भए चुनावी खर्च कसरी जुटेको छ ?’, भन्ने प्रश्नमा पण्डितले जवाफ दिएका थिए, ‘म गरिबलाई गरिबको सहयोग छ । १००–२०० को रिचार्ड कार्ड पनि आएको छ । एक एक सय उठाएर कतारबाट मजदुरले ६० हजार पठाएका छन् । अस्टे«लियबाट राधिका पोखरेलले ५ लाख १ सय ११ रुपियाँ पठाउनुभयो । उहाँको आफन्तले पत्रकार सम्मेलन गरेर मलाई चेक दिनुभयो । म जनताको बीचमा छु । मत किनेर म चुनाव लड्दिनँ । नैतिकताको राजनीति गर्छु ।’

ब्याटल ग्राउन्ड मोरङ–६ : ‘विरासत’ भर्सेस ‘सेलिब्रेटी’, ‘प्लेन’ भर्सेज ‘साइकल’ !

तर, अहिले दोस्रो पटक लालबाबु पण्डित मन्त्री बनेपछि उनले जारी गरेको सम्पत्ति विवरणले धेरैलाई चकित बनायो । जेठ ९ गते मन्त्रिपरिषद्ले जारी गरेको सम्पत्ति विवरणमा लालबाबु पण्डितको चल सम्पत्ति मात्र ६१ लाखभन्दा बढी देखिएको छ । जारी सम्पत्ति विवरणअनुसार लालबाबु पण्डितको हालको सम्पत्तिमध्ये एभरेस्ट बैङ्कमा २५ लाख, कृषि विकास बैङ्कमा ३० लाख र १० तोला सुन अर्थात् झण्डै ६ लाखको सुन र १५ तोला चाँदी रहेको छ ।
यसको स्रोतको रुपमा उनले पैत्रिक, स्वआर्जन र वचत भनेका छन् ।

लालबाबुको सम्पत्ति : पुरानो साइकलदेखि बैंक खातामा ५५ लाख

जबकी ७ महिनाअघि कात्तिकमा आफूसँग चुनाव लड्ने पैसासमेत नभएको भन्दै लालबाबु पण्डितले सर्वसाधरणलाई सहयोग गर्न आग्रह गरेका थिए, त्यतिबेलाको कथा र अहिलेको तथ्यमा व्यापक परिवर्तन भएको छ । उनीसँग चुनाव लड्ने पैसा नभएको भन्दै मिडियाबाजी गरेपछि लालबाबु पण्डितलाई अस्ट्रेलियामा बस्ने राधिका पोखरेल एक्लैले ५ लाख ११ हजार १ सय रुपियाँ सहयोग गरेकी थिएन् । त्यसैगरी, कतारमा रहेका मजदुरहरूले पण्डितलाई चुनाव खर्च भन्दै ६० हजार पठाएका थिए । त्यति मात्रै होइन, मोरङ–६ बाट उम्मेदवार बनेका लालबाबुले सुभेच्छुकहरुले आफूलाई चुनाव खर्चबापत रिचार्ज कार्डहरूसमेत उपलब्ध गराएको बताएका थिए । त्यसो त चुनावी अभियानका क्रममा अन्तरवार्ता लिन पुगेका एक पत्रकारलाई अन्तरवार्ता लिइसकेपछि २ सय रुपैयाँको रिजार्च गरी चुनावमा सहयोग गरिदिनसमेत आग्रह गरेको ती पत्रकारले किस्सा सुनाउने गरेका छन् । तर, चुनाव जितेर सांसद हुँदै मन्त्री बनेको छाटो समयमा लालबाबुको सम्पत्तिमा कसरी एकाएक बढोत्तरी आयो त ?

मन्त्री पण्डित भन्छन्, ‘श्रीमतीको पैसा मेरो चुनावमा कसरी खर्च गरुँ ?’

२०५९ सालमा ललितपुर निवासी बिमला महतसँग मेरो विवाह भएको थियो । त्यतिबेला मेरी श्रीमतीको माइतीले उनलाई केही जग्गा दिएका थिए ।दिएको जग्गा मध्ये आधाजस्तै करिब २०६५–६६ सालमा बेचेर बैंकमा राख्यौँ । यो रकम मैले २०७० सालमा बुझाएको सम्पत्ति विवरणमा पनि उल्लेख गरेको छु । ब्याज आएर त्यो रकममा केही बृद्धि भएको छ । मन्त्री पदमा रहँदा तलब आम्दानी पनि भएको छ ।मसँग भएको सम्पत्ति मेरी श्रीमतीलाई उनको परिवारले छोरीलाई भनेर दिएको सम्पत्ति हो । त्यो सम्पत्तिलाई मेरो चुनावका लागि कसरी प्रयोग गरुँ ?चुनावको बेला मलाई ८ लाख रुपैयाँ जति चन्दा आएको थियो । पार्टीको जिल्ला संगठनले पनि केही खर्च गरेको छ । जसको विवरण पार्टीमा बुझाइएको छ । चुनावमा कूल कति खर्च भयो भन्ने विवरण पनि मैले पार्टीलाई बुझाइसकेको छु ।यसबीचमा मन्त्रीको तलब र भत्ताबाट घर खर्च चलेको थियो ।मेरो सम्पत्ति विवरणको बारेमा अनावश्यक प्रचारबाजी भयो ।

श्रोत

LEAVE A REPLY

Please enter your comment!
Please enter your name here

Follow US

30,208FansLike
265FollowersFollow
257FollowersFollow
32FollowersFollow

ताजा समाचार

एकाबिहानै हनुमान जी काे दर्शन स्वरुप एक सेयर गर्दै साउन २० गते मंगलवारको राशिफल हेर्नुहोस् ।

एकाबिहानै हनुमान जी काे दर्शन स्वरुप एक सेयर गर्दै साउन २० गते मंगलवारको राशिफल हेर्नुहोस् । आजको पन्चाङ्ग वि.सं.२०७७ साल साउन २० गते , मंगलबार ,...

कोरोना त्राशका बिच यात्रुहरुलाई यसरी कोचेर सवारी गुडाइदै तर भाडा भने ५० प्रतिशतले बढी !

कोरोना त्राशका बिच यात्रुहरुलाई यसरी कोचेर सवारी गुडाइदै तर भाडा भने ५० प्रतिशतले बढी ! , नेपालमा कोरोना कहर बढीरहेका बेला यातायात ब्यबसायीले चर्को...

नेपालमा कोरोनाको उपचारका लागि नयाँ प्रविधि ल्याइयाे, आइसियुमा रहेका बिरामी ७० प्रतिशत निको

नेपालमा कोरोनाको उपचारका लागि नयाँ प्रविधि ल्याइयाे, आइसियुमा रहेका बिरामी ७० प्रतिशत निको , नेपालमा पनि अन्य मुलुकमा अपनाइसकिएको प्लाज्मा थेरापीवाट कोरोना संक्रमितको उपचार...

दक्षिणकाली मात लाई ॐ लेखि एक शेयर गर्दै भेटी चढाएर आज साउन १८ गते आईतवारको राशिफल पढ्नुहोस् । तपाईंको मनोकामना पुरा हुनेछ ।

दक्षिणकाली मात लाई ॐ लेखि एक शेयर गर्दै भेटी चढाएर आज साउन १८ गते आईतवारको राशिफल पढ्नुहोस् । तपाईंको मनोकामना पुरा हुनेछ । वि.सं.२०७७ साल...

फेरी बढायो निगमले पेट्रोलियम पदार्थको मूल्य

फेरी बढायो निगमले पेट्रोलियम पदार्थको मूल्य, नेपाल अयल निगमले पेट्रोलियम पदार्थको मूल्य समायोजन गरेको छ । शनिबार राति १२ बजेबाट लागू हुनेगरी डिजेल,पेट्रोल र...