Tuesday, September 29, 2020

विप्लव पक्राउ पुर्जी प्रकरण : गृहमन्त्री बादलका अगाडि दुई विकल्प

Author

Date

Category

काठमाडौँ– कहिलेकाहीँ संयोग नियोजित घटना जस्तो बन्न जान्छ र कहिलेकाहीँ नियोजित घटना संयोग जस्तो देखिन्छन् ।

तर यसको बीचमा एउटा नयाँ घटनाक्रम विकसित भयो ।

आफ्ना पूर्वसहकर्मीले देशको सुरक्षा कमान्ड सम्हालेको दोस्रो दिन नेकपाका महासचिव नेत्रविक्रम चन्द विप्लवको घरमा पक्राउ पुर्जी टाँस भयो ।

यो संयोग हो वा योजना ?

अहिले नै उत्तर भेटाउन गाह्रो हुन्छ र यसका लागि केही घटनाक्रम हेर्नुपर्ने हुन्छ ।

भोजपुरमा भएको विस्फोट पदार्थ र ज्यान मार्ने उद्योगको कसुरमा दोषी मान्दै विप्लवलाई पक्राउ गर्ने सूचना टाँस भएको छ ।

वाम गठबन्धनको सरकार आएपछि भएको यो घटनाले विप्लवमाथि सरकारको नीतिको सङ्केत गरेको छ ।

यसले चुनावमा बहुमतसहित आएको वमगठबन्धन नेतृत्वको सरकार र चुनाव भाड्न सबै प्रयत्न गरेको विप्लवको पार्टीबीच तनाव बढ्न सक्ने सम्भावना देखाएको छ । नेकपाका पोलिटब्युरो सदस्य भरत बमले सम्भावित राजनीतिक जटिलताबारे बोलिसकेका छन् ।

यस्तोमा अब गृहमन्त्री रामबहादुर थापासँग दुईवटा विकल्प छन् ।

पहिलो– विप्लवलाई मूलधारको राजनीतिमा ल्याउन पहल गर्ने । आजको दिनमा तत्कालका लागि यो झिनो सम्भावना हो, किनभने विप्लवले अहिले सत्ता साझेदारीको मुद्दा उठान गरिरहेका छन् । अहिलेको राजनीति शक्ति सन्तुलन त्यहाँ पुगेजस्तो देखिन्न ।

गृहमन्त्रीसँगको दोस्रो विकल्प हो, विप्लवको पार्टीमाथि कडाइको नीति ।

यो गृहमन्त्री बादलको निजी चाहनामा हुँदैन । यसका लागि प्रधानमन्त्री केपी ओली र माओवादी केन्द्रका अध्यक्ष प्रचण्डसँग परामर्श चाहिन्छ । यदि ओली र प्रचण्डले ‘गो अहेड’ भने भने बादलले कठोर नीति लिन पनि सक्छन् । ओली र प्रचण्डले ‘गो अहेड’ भन्दाभन्दै पनि गृहमन्त्री बादलले व्यक्तिगत रूपमा फरक धारणा पनि राख्न सक्छन् ।

जे भए पनि विप्लव पक्राउ पुर्जीले गृहमन्त्रीसामु तत्काल चुनौती ल्याइदिएको छ र ढिलो चाँडो कुनै न कुनै विकल्प रोज्नुपर्ने ठाउँमा लैजाने छ ।

आफ्ना पूर्वसहकर्मीहरूमाथि बादल धेरै कठिन हुँदा उनको आलोचना हुन सक्छ ।

प्रधानमन्त्रीको निर्देशन नमान्दा पद जोखिममा पर्न सक्छ ।

गृहमन्त्री चेपुवामा पर्न सक्छन् ।

रक्षामन्त्री हुँदा उत्पन्न जटिलताबाट बादल जानकार छन् नै ।

नेपालको राजनीति अस्थिरतामा खेल्न चाहने शक्तिले दुवैतर्फ गोटी चाल्न सक्छन् । दुवैलाई उचाल्न सक्छन् । ‘वामकाविरुद्ध वाम’ थ्योरीले काम गर्न पनि सक्छ ।

स्थिरतासहित विकास र समृद्धिको नारा अगाडि सारेको ओली सरकारका लागि विप्लव टाउको दुखाइ हुन पनि सक्छ । यस्तोमा सरकारले कठोर नीति पनि लिन सक्छ ।

चुनावताका भएका घटना होउन् वा कारवाहीका नाममा व्यक्तिमाथि गरिएको हमला । विप्लवको पार्टीमाथि प्रश्न उठाउने गरिन्छ ।

मुख्य नेतृत्वलाई नै पक्राउ पुर्जी जारी गरेपछि अब नेकपासँग पनि सीमित विकल्प हुन सक्छन् ।

या त संवाद या त सङ्घर्ष ।

संवादका लागि ओली नेतृत्वको सरकारले ‘स्पेस’ दिने सम्भावना कम छ । किनभने नेकपाका दुई नेता शान्तिपूर्ण कार्यक्रममा सहभागी भएका बेला विराटनगरमा पक्राउ परेका थिए । एक सातापछि उनीहरू रिहा भए ।

प्रधानमन्त्री ओली विप्लवप्रति अनुदार हुन सक्छन् ।

यस सङ्घर्षले तनाव मात्र बढाउन सक्छ ।

एकीकृत क्रान्तिको सिद्धान्त अगाडि सारेको विप्लव नेतृत्वको नेकपाले आफ्नो गतिविधि जस्तो पनि हुन सक्ने भन्दै बोल्दै आएको छ ।

बादल र विप्लवको व्यतिगत सम्बन्ध राम्रो छ ।

बादल र विप्लव लामो समय एउटै पार्टीमा बसे ।

विप्लव बादललाई दाइ भनेर सम्बोधन गर्छन् ।

प्रचण्ड नेतृत्वको माओवादीसँग वैद्य, बादल र विप्लव सँगै अलग भएका थिए ।

प्रचण्डसँग अलग भएपछि ०६९ असार २ देखि ५ सम्म चलेको बौद्ध भेलापछि वैद्यको नेतृत्वमा नकेपा–माओवादी गठन भएको थियो । विप्लवलाई त्यसबेला पार्टी विभाजन गराउने एक सूत्रधारका रूपमा प्रस्तुत गरिएको थियो ।

त्यस मितिदेखि ०७१ मङ्सिर ७ सम्म विप्लव वैद्य नेतृत्वको पार्टीमा थिए । तर विप्लवले ०७१ मङ्सिर ८ मा पार्टी मुख्यालय बुद्धनगरमा पुगेर वैद्यलाई सम्बन्ध विच्छेदको पत्र बुझाए । केही समयपछि बादलले पनि वैद्यलाई छाडे र प्रचण्डसँग एकता गरे ।

वैद्य र बादललाई छाडेर हिँडेपछि विप्लवले आफ्नो नेतृत्वमा नेकपा माओवादी गठन गरे । थवाङमा महाधिवेशनको बन्दसत्र भयो ।  आठौँ महाधिवेशनको बन्दसत्रमा विप्लव राजनीतिक प्रतिवेदन प्रस्तुत गरे ।

पार्टीमा झुन्डिएको ‘माओवादी’ शब्द छाडेर नेकपा मात्र राखेका थिए ।

जेसुकै होस्, विप्लवको पक्राउ पुर्जी, नेपालको राजनीतिका लागि सुखद घटनाक्रम चाहिँ होइन ।

श्रोत

LEAVE A REPLY

Please enter your comment!
Please enter your name here

Follow US

30,217FansLike
265FollowersFollow
257FollowersFollow
32FollowersFollow

ताजा समाचार

एकाबिहानै हनुमान जी काे दर्शन स्वरुप एक सेयर गर्दै साउन २० गते मंगलवारको राशिफल हेर्नुहोस् ।

एकाबिहानै हनुमान जी काे दर्शन स्वरुप एक सेयर गर्दै साउन २० गते मंगलवारको राशिफल हेर्नुहोस् । आजको पन्चाङ्ग वि.सं.२०७७ साल साउन २० गते , मंगलबार ,...

कोरोना त्राशका बिच यात्रुहरुलाई यसरी कोचेर सवारी गुडाइदै तर भाडा भने ५० प्रतिशतले बढी !

कोरोना त्राशका बिच यात्रुहरुलाई यसरी कोचेर सवारी गुडाइदै तर भाडा भने ५० प्रतिशतले बढी ! , नेपालमा कोरोना कहर बढीरहेका बेला यातायात ब्यबसायीले चर्को...

नेपालमा कोरोनाको उपचारका लागि नयाँ प्रविधि ल्याइयाे, आइसियुमा रहेका बिरामी ७० प्रतिशत निको

नेपालमा कोरोनाको उपचारका लागि नयाँ प्रविधि ल्याइयाे, आइसियुमा रहेका बिरामी ७० प्रतिशत निको , नेपालमा पनि अन्य मुलुकमा अपनाइसकिएको प्लाज्मा थेरापीवाट कोरोना संक्रमितको उपचार...

दक्षिणकाली मात लाई ॐ लेखि एक शेयर गर्दै भेटी चढाएर आज साउन १८ गते आईतवारको राशिफल पढ्नुहोस् । तपाईंको मनोकामना पुरा हुनेछ ।

दक्षिणकाली मात लाई ॐ लेखि एक शेयर गर्दै भेटी चढाएर आज साउन १८ गते आईतवारको राशिफल पढ्नुहोस् । तपाईंको मनोकामना पुरा हुनेछ । वि.सं.२०७७ साल...

फेरी बढायो निगमले पेट्रोलियम पदार्थको मूल्य

फेरी बढायो निगमले पेट्रोलियम पदार्थको मूल्य, नेपाल अयल निगमले पेट्रोलियम पदार्थको मूल्य समायोजन गरेको छ । शनिबार राति १२ बजेबाट लागू हुनेगरी डिजेल,पेट्रोल र...