Friday, October 2, 2020

कपाल प्रत्यारोपण गर्दै हुनुहुन्छ?, जान्नुहोस यस्को साइड इफेक्टका बारेमा

Author

Date

Category

कपाल प्रत्यारोपण गर्दै हुनुहुन्छ?, यसको जान्नुहोस यस्को साइड इफेक्टका बारेमा: वरिष्ठ छाला तथा सौन्दर्य विशेषज्ञ  प्रोफेसर डा. धर्मेन्द्र कर्णसँग गरिएको कुराकानी

तपाईं कपाल रोप्ने डाक्टरका रूपमा परिचित हुनुहुन्छ । वास्तवमा कपाल प्रत्यारोपण के हो ?

कपाल प्रत्यारोपण भनेको आफ्नै शरीरको कुनै भागको कपाललाई निकालेर कपाल नभएको ठाउँमा रोप्ने प्रक्रिया हो । जस्तोः टाउकोको पछाडिको भाग, साइडको भाग, दाह्री अनि छातीको कपाल; जुन कहिल्यै झर्दैन, यस्ता स्थानका कपाललाई निकालेर कपाल नभएको ठाउँमा रोप्नु नै कपाल प्रत्यारोपण हो । ‘जसरी एउटा बिरुवालाई उखालेर अर्को खाली स्थानमा रोपिन्छ र त्यो बिरुवा विस्तारै ठूलो हुँदै जान्छ । उक्त बिरुवालाई काँटछाँट अनि स्याहार सुसार गर्दै गइयो भने राम्रो हुन्छ ।’ त्यही प्रक्रिया हो कपालको पनि ।

निधार र तालुको कपाल धेरै झर्छ । यो हर्मोनल डिफेक्टले गर्दा हुने हो । कपाल प्रत्यारोपण गर्न चाहने व्यक्तिमा कुनै पनि प्रकारको रोग छैन र ऊ स्वस्थ्य अवस्थामा छ भने तुरुन्तै प्रत्यारोपण गर्न सकिन्छ । लडेर, पोलेर वा दुर्घटनाबाट कुनै खत बसेको छ भने पनि त्यस्तो ठाउँमा कपाल रोप्न सकिन्छ । आइब्रो पातला भएका महिलाहरूले आइब्रोमा कपाल प्रत्यारोपण गर्न सक्छन् ।

धेरैजसोमा तालुपना देखिन्छ यो के कारणले हुन्छ ?
तालुपना कुनै रोग होइन । विश्वमा ५० देखि ६० प्रतिशत पुरुषमा तालुपना हुन्छ । त्यसैगरी १० देखि २० प्रतिशत महिलामा पनि तालुपना हुन्छ । यो वंशाणुगत हुन्छ । यस्तोमा कपाल रोप्न मिल्छ । महिलाहरूले पनि कपाल प्रत्यारोपण गर्न सक्छन् ।

कपाल प्रत्यारोपणपछि यसको साइड इफेक्ट छ कि छैन र यो के स्थायी हुन्छ ?
कपाल प्रत्यारोपण दुई प्रकारको हुन्छ । एक आफ्नै शरीरको कपाल रोप्ने र अर्को फाइबरको प्रयोग । फाइबर एक आर्टिफिसियल कपाल भएकाले त्यति राम्रो मानिदैन । त्यसैले म यो रिफर पनि गर्दिनँ । कपाल प्रत्यारोपण गर्दा आफ्नै शरीरको कहिल्यै नझर्ने कपाललाई निकालेर रोपिने भएकाले यसको कुनै साइड इफेक्ट हुँदैन । रोपेको कपाल विल्कुलै ओरिजिनल कपाल हो । मजाले आफूलाई मन पर्ने साइजमा काँट छाट गर्न सकिन्छ । कपाल र शरीर स्वस्थ्य छ भने यो लाइफ टाइम रहन्छ ।

कपाल प्रत्यारोपण गर्न कुन उमेरका व्यक्ति बढी आउँछन् ? यसका लागि कुनै निश्चित उमेर हुन्छ ?
हुँदैन, यो जुनसुकै उमेर समूहका व्यक्तिले पनि रोप्न सक्छन् । २० वर्षका युवादेखि ७० वर्षसम्मका व्यक्तिलाई मैले कपाल रोपेको छु । विशेष गरेर ३० देखि ४० वर्षका व्यक्तिहरू बढी आउँछन् । यो उमेरका व्यक्तिहरू प्रोफेसनल्ली एक्टिभ हुन्छन् र उनीहरूलाई स्मार्ट लुकको जरुरी पनि हुन्छ । यो उमेरका व्यक्तिमा धेरै नै कपाल झर्ने समस्या पनि हुन्छ । अझ पब्लिक रिलेसनमा रहने व्यक्तिहरू कपाल प्रत्यारोपण गर्न धेरै आउँछन् । कति रिटायर्ड लाइफ विताइरहेका मानिस आफूलाई स्मार्ट, फुर्तिलो अनि स्वस्थ्य देखिनका लागि कपाल रोप्न आउँने गर्छन् ।

कपाल प्रत्यारोपण गर्ने प्रकृया कस्तो हुन्छ ?

कपाल प्रत्यारेपण गर्नुपूर्व कपाल झरेको कारण पत्ता लगाउन अहिले कपालको अल्ट्रासाउन्ड गरिन्छ । अल्ट्रा साउन्डबाट कपालको जरासम्म हेरेर समस्याको खोजी गरिन्छ । कपाल प्रत्यारोपणका लागि तयार गरिन्छ । कपाल प्रत्यारोपण गर्ने दुई तरिका हुन्छ । एक छाला काटेर गरिने (एफयूटी फोलिकुलर युनिट ट्रान्सप्लान्ट) र अर्को मेसिनबाट गरिने (एफयूई फोलिकुलर युनिट एक्सट्राक्सन) ।

मेसिनबाट ट्रान्सप्लान्ट गर्दा खत बस्दैन तर छाला काटेर गर्दा खत बस्ने हुन्छ । त्यसैले पनि मेसिनबाट गरिने ट्रान्सप्लान्ट बढी चलनमा छ । ट्रान्सप्लान्टका लागि सबै शारीरिक चेकजाँच गरिन्छ । यदि कुनै समस्या आएमा उक्त समस्या सामान्य अवस्थामा नआएसम्म कपाल रोप्नु हुँदैन तर कुनै समस्या छैन भने ट्रान्सप्लान्ट गर्न सकिन्छ । ट्रान्सप्लान्टको समयमा पनि कुनै समस्या आउन नदिन अन्य डाक्टरहरूसँग पनि सरसल्लाह गरी तयार गरिन्छ । हेयर ट्रान्सप्लान्टपछि २–३ दिनबाटै सामान्य अवस्थामा फर्कन सकिन्छ । Source: ratopati.com

LEAVE A REPLY

Please enter your comment!
Please enter your name here

Follow US

30,212FansLike
265FollowersFollow
257FollowersFollow
32FollowersFollow

ताजा समाचार

एकाबिहानै हनुमान जी काे दर्शन स्वरुप एक सेयर गर्दै साउन २० गते मंगलवारको राशिफल हेर्नुहोस् ।

एकाबिहानै हनुमान जी काे दर्शन स्वरुप एक सेयर गर्दै साउन २० गते मंगलवारको राशिफल हेर्नुहोस् । आजको पन्चाङ्ग वि.सं.२०७७ साल साउन २० गते , मंगलबार ,...

कोरोना त्राशका बिच यात्रुहरुलाई यसरी कोचेर सवारी गुडाइदै तर भाडा भने ५० प्रतिशतले बढी !

कोरोना त्राशका बिच यात्रुहरुलाई यसरी कोचेर सवारी गुडाइदै तर भाडा भने ५० प्रतिशतले बढी ! , नेपालमा कोरोना कहर बढीरहेका बेला यातायात ब्यबसायीले चर्को...

नेपालमा कोरोनाको उपचारका लागि नयाँ प्रविधि ल्याइयाे, आइसियुमा रहेका बिरामी ७० प्रतिशत निको

नेपालमा कोरोनाको उपचारका लागि नयाँ प्रविधि ल्याइयाे, आइसियुमा रहेका बिरामी ७० प्रतिशत निको , नेपालमा पनि अन्य मुलुकमा अपनाइसकिएको प्लाज्मा थेरापीवाट कोरोना संक्रमितको उपचार...

दक्षिणकाली मात लाई ॐ लेखि एक शेयर गर्दै भेटी चढाएर आज साउन १८ गते आईतवारको राशिफल पढ्नुहोस् । तपाईंको मनोकामना पुरा हुनेछ ।

दक्षिणकाली मात लाई ॐ लेखि एक शेयर गर्दै भेटी चढाएर आज साउन १८ गते आईतवारको राशिफल पढ्नुहोस् । तपाईंको मनोकामना पुरा हुनेछ । वि.सं.२०७७ साल...

फेरी बढायो निगमले पेट्रोलियम पदार्थको मूल्य

फेरी बढायो निगमले पेट्रोलियम पदार्थको मूल्य, नेपाल अयल निगमले पेट्रोलियम पदार्थको मूल्य समायोजन गरेको छ । शनिबार राति १२ बजेबाट लागू हुनेगरी डिजेल,पेट्रोल र...